Օպերատիվ իրավիճակը հանրապետությունում փետրվարի 17-ից 20-ը
![Օպերատիվ իրավիճակը հանրապետությունում փետրվարի 17-ից 20-ը Օպերատիվ իրավիճակը հանրապետությունում փետրվարի 17-ից 20-ը](/timthumb?src=/resources/police/img/news/big/1676875277-6064.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ փետրվարի 17-ից 20-ը Հայաստանի Հանրապետության ոստիկանության ստորաբաժանումները բացահայտել են հանցագործության 137 դեպք, որոնցից 10-ը՝ նախկինում կատարված:
Մասնավորապես՝ թմրամիջոցի հայտնաբերման՝ 30, մարմնական վնասվածք պատճառելու՝ 26, անձնական ունեցվածքի գողության՝ 18, խարդախության՝ 16, ընտանեկան բռնության՝ 12, զենք-զինամթերքի առգրավման՝ 9, գույքը դիտավորությամբ ոչնչացնելու, համակարգչային հանցագործության և կաշառակերության՝ 2-ական, սպանության փորձի, յուրացնելու կամ վատնելու, դրամանենգության, խուլիգանության, ապօրինի ծառահատման, 16 տարին չլրացած անձի նկատմամբ սեքսուալ բնույթի գործողություններ կատարելու, սառը զենք կրելու և հոգեկան ներգործության, հոգեմետ նյութերի օրինական շրջանառության կանոնները խախտելու, խոշտանգման ու անվտանգության պահանջներին չհամապատասխանող հումքերի կամ ապրանքի շրջանառության, աշխատանքներ կատարելու կամ ծառայություններ մատուցելու՝ 1-ական դեպք։
Հայտնաբերվել են 1 անհետ կորած և 14 հետախուզվող։ Կամավոր ներկայացել է 2 հետախուզվող։
Գրանցվել է զենք-զինամթերքի կամավոր հանձնման 24 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 7, ավազակային հարձակման ու կողոպուտի 1-ական դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 19 պատահար. 2 մարդ զոհվել է, 43-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: