Օպերատիվ իրավիճակը հանրապետությունում հունիսի 23-ից 24-ը
![Օպերատիվ իրավիճակը հանրապետությունում հունիսի 23-ից 24-ը Օպերատիվ իրավիճակը հանրապետությունում հունիսի 23-ից 24-ը](/timthumb?src=/resources/police/img/news/big/1656053630-6438.jpeg&q=75&w=780&wm=1)
Ըստ ոստիկանության օպերատիվ հաղորդագրությունների ամփոփագրերի՝ հունիսի 23-ից 24-ը Հայաստանի Հանրապետության ոստիկանության ստորաբաժանումները բացահայտել են հանցագործության 60 դեպք, որից 7-ը՝ նախկինում կատարված։
Մասնավորապես՝ անձնական ունեցվածքի գողության և մարմնական վնասվածք պատճառելու՝ 9-ական, թմրամիջոցի հայտնաբերման՝ 7, ընտանեկան բռնության՝ 4, խարդախության և գույքը դիտավորությամբ վնասելու՝ 3-ական, ծեծի, բնակարանային գողության, հարկերից խուսափելու և իշխանության ներկայացուցչի նկատմամբ բռնության՝ 2-ական, զենք-զինամթերքի առգրավման, կաշառակերության, պաշտոնեական կեղծիքի, պետական սահմանն ապօրինի հատելու և փաստաթուղթ կեղծելու, ծանր վիրավորանքի, խոշտանգման, թմրանյութի իրացման, պատմության և մշակույթի հուշարձաններ վնասելու, թմրամիջոցների կամ հոգեմետ նյութեր փոխադրելու կամ առաքելու կանոնները խախտելու և անհետաձգելի միջամտության որոշումը կամ պաշտպանական որոշումը դիտավորությամբ չկատարելու՝ 1-ական դեպք։
Հայտնաբերվել է 6 հետախուզվող։ Կամավոր ներկայացել է 5 հետախուզվող։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 3, սպանության փորձի, պետական-հասարակական ունեցվածքի գողության, բնակարանային գողության և խարդախության 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 19 պատահար. 1 մարդ զոհվել է, 28-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: