Թմրամիջոց՝ մահճակալի տակ և պատից կախ

19.01.2016 10:06 Թմրամիջոցի հայտնաբերում

Ոստիկանության Տարոնի բաժնի ծառայողները, Լոռու մարզի ընդհանուր իրավասության դատարանի որոշման համաձայն, խուզարկություն են կատարել 1944 թ. ծնված Պավել Խ.-ի տանն ու օժանդակ շինություններում, ինչի արդյունքում՝ մահճակալի տակ հայտնաբերվել է պոլիէթիլենային տարա` թմրամիջոցի նմանվող դեղնավուն հեղուկով, իսկ պատից կախված բաճկոնի գրպանում՝ լուցկու տուփի մեջ լցված թմրամիջոցի կանաչավուն զանգված:
Պավել Խ.-ն հայտարարել է, որ հեղուկ զանգվածը թմրամիջոց պատրաստելու հումք է, որն իրեն է տվել իր նախկին հարևան Արթուր Կ.-ն, իսկ կանաչավուն զանգվածը՝ «մարիխուանա» թմրամիջոց, որը քաղել է քիմգործարանի տարածքից` ծխելու միջոցով գործածելու համար:
Հայտնաբերվածն առգրավվել և ուղարկվել է փորձաքննության:
Քննությունը վարում է Լոռու մարզի քննչական վարչությունը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Թմրամիջոց՝ մահճակալի տակ և պատից կախ

ՀԻՄՆԱԿԱՆ