Զենք-զինամթերք՝ մետրոպոլիտենի «Չարբախ» կայարանի մոտ

Ոստիկանության մետրոպոլիտենի պահպանության բաժնի ծառայողների բացատրական աշխատանքների շնորհիվ՝ փետրվարի 18-ին, ժամը 12.10-ին, մի քաղաքացի զանգահարել և հայտնել է, որ մետրոպոլիտենի «Չարբախ» կայարանի դրսի կողմից նկուղ իջնող աստիճաններին զենք-զինամթերք է թողնում:
Մեկնած օպերատիվ խումբը նշված վայրում հայտնաբերել է թմբուկավոր ինքնաշեն ատրճանակ` առանց փամփուշտների, «Ֆ-1» տիպի նռնակ` առանց պայթուցիչի, 7,62 մմ տրամաչափի 64 և 9 մմ տրամաչափի 3 փամփուշտ:
Հայտնաբերվածն ուղարկվել է փորձաքննության: