Վ.Եղիազարյանի ելույթը 2010թ. մայիսի 26-28-ը Բուդվայում

Ես ընդամենը կարճ կներկայացնեմ 2009թ. նոյեմբերի 3-4-ը Հայաստանի Հանրապետության մայրաքաղաք Երևանում տեղի  ունեցած ԱՊՀ անդամ երկրների Ինտերպոլի ԱԿԲ-ների պետերի արդեն ավանդական դարձած 4-րդ տարեկան հանդիպումը: Այս անգամ, սակայն, հանդիպումը համընկավ ֆինանսական  ճգնաժամային դժվար ժամանակահատվածի հետ, և հիմնականում դրանով է բացատրվում այն փաստը, որ ԱՊՀ  10 անդամ պետություններից ընդամենը 4-ին հաջողվեց մասնակցել, թեև բոլորն ի սկզբանե մասնակցության պատրաստակամություն էին հայտնել:

Չնայած վերոնշյալ հանգամանքին` խորհրդակցությունը կայացավ, որի ընթացքում քննարկվեցին ԱԿԲ-ների միջև համագործակցության մի շարք կարևոր հարցեր` շեշտը հիմնականում դնելով թրաֆիքինգին վերաբերող խնդիրների վրա, և ընդունվեցին համապատասխան որոշումներ: Հանդիպման ժամանակ, ըստ քննարկվող թեմաների, ելույթներ ունեցան ինչպես  Ռուսաստանի, Բելառուսի, Ուկրաինայի և Հայաստանի ԱԿԲ-ների,   այնպես էլ ՀՀ ոստիկանության շահագրգիռ գերատեսչությունների և միջազգային կազմակերպությունների (UNO, OBSCE, MIM) ներկայացուցիչները: Հանդիպման ժամանակ տեղի ունեցան մտքերի փոխանակումներ,  ինչպես և` խորհրդակցության շրջանակներից դուրս ոչ պաշտոնական բնույթի քննարկումներ, զրույցներ, հանդիպումներ: Խորհրդակցության արդյունքների հիման վրա կազմվեց արձանագրություն, որը տրամադրվել է ձեզ: Կուզենայի ձեր ուշադրությունը հրավիրել սույն  արձանագրության 2-րդ առաջարկության վրա. դիմել Գլխավոր քարտուղարություն թրաֆիքինգի զոհերի վերաբերյալ հատուկ շրջաբերականի կամ տվյալների պահոցի ստեղծման հնարավորությունը քննարկելու համար: Վերոնշյալ առաջարկությունը ներկայացվել է ՀՀ ոստիկանության Կազմակերպված հանցավորության դեմ պայքարի գլխավոր վարչության աշխատակցի կողմից: Այս մասին հայտնել ենք Գլխավոր Քարտուղարությանը, սակայն նրանց դիրքորոշումը դեռևս չունենք: