Պարգևների հանձնման արարողություն

Այսօր ՀՀ-ում ԼՂՀ մշտական ներկայացուցչությունում տեղի ունեցավ պարգևների հանձնման հանդիսավոր արարողություն:

ԼՂՀ նախագահ Բակո Սահակյանի հրամանագրով  միլիցիայի հատուկ նշանակության ջոկատների 9 մարտիկներ պարգևատրվել են «Մարտական ծառայության» մեդալով՝ մարտական առաջադրանքների կատարմանը նպաստող հմուտ, համարձակ գործողությունների, զորքերի մարտական պատրաստվածության ապահովման, երկրի սահմանները պաշտպանելիս ցուցաբերած արիության համար և Հաղթանակի, Լեռնային Ղարաբաղի Հանրապետության պաշտպանության բանակի օրվա, Շուշիի ազատագրման 19-րդ տարեդարձի կապակցությամբ:

 

   

Պարգևները հանձնեցին ՀՀ-ում ԼՂՀ մշտական ներկայացուցիչ Կարլեն Ավետիսյանը և միլիցիայի հատուկ նշանակության ջոկատների վետերանների խորհրդի նախագահ, ոստիկանության գնդապետ Գրիշա Սարգսյանը: