ԹՄՐԱԲԻԶՆԵՍԻ ԴԵՄ ՊԱՅՔԱՐ
«Թող Աստված օրհնի նրան, ով սովորույթ չի դարձրել ափիոնի օգտագործումը»
Ամիրդովլաթ Ամասիացի, 1478 թվական
Ներկայացվող աշխատությունով Ձեր ուշադրությունն ենք հրավիրում թմրամիջոցների, հոգեմետ (հոգեներգործուն) նյութերի պատմության, դրանց տեսակների, օգտագործման ձևերի, հետևանքների, ինչպես նաև թմրամիջոցների, հոգեմետ (հոգեներգործուն) նյութերի և դրանց պրեկուրսորների հասկացությունները, ապօրինի շրջանառության դեմ պայքարի ձևերն ու մեթոդները, հակազդմանն ուղղված իրավական և օրենսդրական դաշտը, այդ հակահասարակական երևույթների դեմ ուղղված կանխարգելիչ միջոցառումների իրականացման գործընթացը և արդյունքները, իրավապահ մարմինների միջազգային համագործակցությունը, քանզի դրանց չարաշահումները լուրջ վտանգ է ներկայացնում ոչ միայն անհատի, այլև ողջ հասարակության և պետության համար: Ավելին, թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունը սպառնում է պետության անվտանգությանն ու կայունությանը, աղետալի վնասներ է հասցնում երկրի տնտեսությանը, ազգի գենոֆոնդին:
