«Հայջրմուղկոյուղի» ՓԲԸ-ի նախկին աշխատակիցը յուրացրել է ջրօգտագործման գումարները

Մայիսի 31-ին  ոստիկանության Կապանի բաժնի ծառայողները օպերատիվ տեղեկություններ են ստացել «Հայջրմուղկոյուղի» ՓԲԸ նախկին աշխատակցի  կողմից ջրօգտագործման գումարները յուրացնելու վերաբերյալ:
 Ձեռնարկված միջոցառումների շնորհիվ պարզվել է, որ ընկերության նախկին հսկիչ-գործակալը 2012 թ. սեպտեմբեր-հոկտեմբեր ամիսներին մի շարք տնտեսվարող սուբյեկտներից որպես ջրօգտագործման վարձավճար գանձել է 43.000 դրամ և յուրացրել:
Տղամարդը բերման է ենթարկվել ոստիկանություն:
Կատարվում է հետաքննություն: