«Պրադո»-ից կրակել են «Ռենջ Ռովեր»-ի ուղղությամբ

Սեպտեմբերի 30-ին, ժամը 14.35-ին, հիվանդանոցից ոստիկանության Մարաշի բաժանմունք հաղորդում է ստացվել, որ հրազենային վնասվածքով բուժօգնության է դիմել 1993 թ. ծնված Լևոն Հ.-ն:
Պարզվել է, որ նույն օրը, ժամը 11.40-ին, Երևանի Այգեստանի 11-րդ փողոցի թիվ 167/1 տան մոտ, «Պրադո» մակնիշի ավտոմեքենայից, անհայտ հրազենից կրակել են Լևոն Հ.-ի վարած «Ռենջ Ռովեր» մակնիշի ավտոմեքենայի ուղղությամբ:
Դեպքի վայրից հայտնաբերվել է կրակված 6 պարկուճ և 1 գնդակ:
Նշանակվել են փորձաքննություններ:
Կատարվում է նախաքննություն: