Ահազանգի առնչությամբ համալիր ստուգումներ են կատարվում

Օգոստոսի 24-ին, ժամը 17.20-ին, անհայտ քաղաքացուց ոստիկանությունում ահազանգ է ստացվել, որ Մաշտոցի պողոտայի 13 Ա հասցեում՝ ՀՀ ոստիկանության անձնագրային և վիզաների վարչության շենքում, ռումբ է տեղադրված:

Ահազանգը ստանալուց անմիջապես հետո դեպքի վայր են մեկնել ոստիկանության, ԱԱԾ, պաշտպանության, արտակարգ իրավիճակների նախարարությունների համապատասխան ստորաբաժանումների ծառայողներ:

ԱՎՎ շենքից տարհանվել են աշխատակիցները:

Կատարվում են համալիր ստուգումներ:

Հանգամանքները պարզվում են: