Ազգային և պետական գործիչ Վլադիմիր Մովսիսյանը հյուրընկալվել էր ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)
18.11.2013 18:20
Համակարգի լրատու
![Ազգային և պետական գործիչ Վլադիմիր Մովսիսյանը հյուրընկալվել էր ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ) Ազգային և պետական գործիչ Վլադիմիր Մովսիսյանը հյուրընկալվել էր ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)](/timthumb?src=/resources/police/img/news/big/1384781202,1699.jpeg&q=75&w=780&wm=1)
Նոյեմբերի 18-ին ոստիկանության պետ Վլադիմիր Գասպարյանը և ոստիկանության բարձրաստիճան սպաները հանդիպեցին ՀՀ Նախագահին առընթեր՝ Սևանա լճի հիմնախնդիրների հանձնաժողովի նախագահ Վլադիմիր Մովսիսյանին՝ վաստակաշատ ազգային ու պետական գործչի 80-ամյա հոբելյանի առթիվ:
Վլադիմիր Մովսիսյանին շնորհավորելով տարեդարձի կապակցությամբ՝ ոստիկանության պետը բարձր գնահատեց նրա վաստակն ու ներդրումը հայոց պետականության վերահաստատման և պետության զարգացման, ինչպես և ոստիկանության հետ սերտ ու արդյունավետ համագործակցության գործում:
ՀՀ ոստիկանությանը ցուցաբերած աջակցության և ծննդյան 80-րդ տարեդարձի կապակցությամբ Վլադիմիր Մովսիսյանը ոստիկանության պետ Վլադիմիր Գասպարյանի հրամանով պարգևատրվեց «Համագործակցության համար» մեդալով և ոստիկանության զինանշանով անվանական ժամացույցով:
Շնորհակալություն հայտնելով իր հանդեպ ցուցաբերված ուշադրության ու գնահատանքի համար՝ Վլադիմիր Մովսիսյանն անդրադարձավ նաև պետության ամրապնդման ու պաշտպանության գործում ոստիկանության դերին ու վերջին տարիներին ընթացող բարեփոխումների նշանակությանը:
![](/images/V.Movsisyan-01.jpg)
![](/images/V.Movsisyan-02.jpg)
![](/images/V.Movsisyan-03.jpg)
![](/images/V.Movsisyan-04.jpg)
![](/images/V.Movsisyan-05.jpg)