Կայացավ «aad.am» կայքի 7-րդ ամենամյա մրցանակաբաշխությունը (ՏԵՍԱՆՅՈՒԹ)

Նոյեմբերի 29-ին Երևանի «Ֆորում» ռեստորանային համալիրում կայացավ «aad.am» կայքի 7-րդ ամենամյա մրցանակաբաշխությունը:
Միջոցառման ընթացքում ամենատարբեր անվանակարգերում շնորհվեցին պատվոգրեր և մրցանակներ:
«Հասարակական կարգի պահպանության և անձնվիրաբար ծառայություն իրականացնելու համար» անվանակարգում մրցանակի արժանացավ (հետմահու) ոստիկանության Երեւան քաղաքի վարչության պարեկապահակետային գնդի հրամանատարի տեղակալ, ոստիկանության գնդապետ ԱՐԹՈՒՐ ՎԱՆՈՅԱՆԸ:
Մրցանակը հանձնվեց Արթուր Վանոյանի որդուն՝ ոստիկանության Երեւան քաղաքի վարչության պարեկապահակետային գնդի ծառայող, ոստիկանության լեյտենանտ Ժորա Վանոյանին:
«Հասարակության անվտանգության և բռնությունների կանխարգելմանն ուղղված աշխատանքների համար» անվանակարգում մրցանակի արժանացավ «Հայրենիքին մատուցած ծառայությունների համար» 2-րդ աստիճանի շքանշանակիր, ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ ՆԵԼԼԻ ԴՈՒՐՅԱՆԸ: