Այրվել է ավտոմեքենան և խոտի դեզը

Օգոստոսի 17-ին, ժամը 16.05-ին, ոստիկանության Լոռու մարզային վարչության հերթապահ մասից Գուգարքի բաժնում հաղորդում է ստացվել, որ Լերմոնտովո գյուղի թիվ 197 տան մոտ հրդեհ է բռնկվել, այրվում է ավտոմեքենան և խոտի դեզը:
Պարզվել է, որ 1949 թ. ծնված Ալեքսեյ Կ.-ի տան բակ խոտ տեղափոխելիս 1991 թ. ծնված Վասիլի Կ.-ի «ՈւԱԶ» մակնիշի ավտոմեքենայի խլացուցիչից բռնկվել է ավտոմեքենայում բեռնված խոտը, ապա, կրակը տարածվելով, բռնկվել է նաև բակում եղած խոտի դեզը, ինչի հետևանքով այրվել է մոտ 5 տ չոր խոտ և ավտոմեքենան:
Վնասի չափը կազմում է մոտ 2.250.000 դրամ:
Նյութերն ուղարկվել են Լոռու մարզի հրդեհային տեսչություն: