Անզգուշաբար վնասվածք է պատճառել

Դեկտեմբերի 27-ին, ժամը 19.30-ին, հիվանդանոցից ոստիկանության Մարտունու բաժնում հաղորդում է ստացվել, որ «որովայնի շրջանի թափանցող ծակած-կտրած վերք» ախտորոշմամբ բուժօգնության է տեղափոխվել 1973 թ. ծնված Ռիտա Գ.-ն:
Մեկնած օպերատիվ խումբը պարզել է, որ նույն օրը, ժամը, 18.30-ի սահմաններում, Ռիտա Գ.-ի որդու` 1991 թ. ծնված Գառնիկ Գ.-ի և ամուսնու` 1967 թ. ծնված Գագիկ Գ.-ի միջև տեղի ունեցած վիճաբանության ժամանակ Գագիկ Գ.-ն, շրջվելիս, ձեռքին եղած դանակով անզգուշաբար Ռիտա Գ.-ին պատճառել է նշված մարմնական վնասվածքը:
Ռիտա Գ.-ին տրվել է դատաբժշկի ուղեգիր:
Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ:
Կատարվում է հետաքննություն: