Անիի բաժնի ոստիկանները գողության դեպք են բացահայտել
![Անիի բաժնի ոստիկանները գողության դեպք են բացահայտել Անիի բաժնի ոստիկանները գողության դեպք են բացահայտել](/timthumb?src=/resources/police/img/news/big/1683036014-5665.jpeg&q=75&w=780&wm=1)
Ոստիկանության Անիի բաժնի ծառայողները ապրիլի 29-ի ժամը 04.35-ին, օպերատիվ տվյալներն իրացնելով, Մարալիկ քաղաքի վարչական տարածքի ռեստորանային համալիրներից մեկի հարակից դաշտամիջյան հատվածից գողություն կատարելու կասկածանքով ձերբակալել և բաժին են տեղափոխել Ներքին Սասնաշեն գյուղի 36-ամյա և 21-ամյա երկու բնակչի: Բաժնում 36-ամյա տղամարդը հայտնել է, որ ժամը 04.00-ի սահմաններում, օգտվելով պահակի քնած լինելու հանգամանքից, Երևան-Գյումրի ճանապարհի 102-րդ կմ-ին կայանված ճանապարհաշինարարական աշխատանքներ իրականացնող խճաքար փռող տեխնիկայի բաքից գողացել է մոտ 50 լիտր դիզվառելիք և տեղափոխել դաշտամիջյան հատված, ինչից հետո դարձյալ պատրաստվում էր 20 լիտր տարողությամբ 16 տարաներով դիզվառելիք գողանալ նշված վայրում կայանված ինքնագլորների բաքերից, սակայն հանցանքը ավարտին չի հասցրել, քանի որ ձերբակալվել է ոստիկանների կողմից: Նա հայտնել է, որ դաշտամիջյան հատվածում են իրեն պատկանող դատարկ և լիքը տարաները և ռետինե խողովակները: Նաև հայտնել է, որ 21-ամյա երիտասարդը միայն իրեն օժանդակել է տարաները տեղափոխելու հարցում:
Տղամարդիկ և կազմված փաստաթղթերը ներկայացվել են քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: