Արմավիրի ոստիկանները հետախուզվողին հայտնաբերեցին Բագրատաշենի սահմանային անցակետում

Ոստիկանության Արմավիրի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ հոկտեմբերի 14-ին, ժամը 10.00-ին, Բագրատաշենի սահմանային անցակետից ոստիկանության Բագրատաշենի բաժանմունք բերման է ենթարկվել 35-ամյա Տիգրան Ս.-ն, որը հունիսի 29-ից ոստիկանության Արմավիրի բաժնի կողմից հետախուզվում էր ՀՀ քրեական օրենսգրքի 118 (ծեծը), 147 (բնակարանի անձեռնմխելիությունը խախտելը) և 185 (գույքը դիտավորությամբ ոչնչացնելը կամ վնասելը) հոդվածների մեղադրանքներով: