Աշտարակի ոստիկանները հայտնաբերել են խարդախության մեջ կասկածվողին

Հունիսի 18-ին, ժամը 20.30-ին, օպերատիվ տվյալներն իրացնելով, Աշտարակի քրեական հետախույզները մայրաքաղաքի Ահարոնյան փողոցից, խարդախություն կատարելու կասկածանքով բերման են ենթարկել 36-ամյա մի երևանցու: Նա տվել է խոստովանական բացատրություն, որ հունվարի 18-ին Աշտարակում գտնվող մի ՍՊԸ-ում 9,5 գրամ քաշով արծաթյա շղթան խաբեությամբ գրավադրել է որպես ոսկյա շղթա` այդ կերպ հափշտակելով 101 հազար դրամ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: