Առանց համապատասխան փաստաթղթերի վառելափայտ էին վաճառում
![Առանց համապատասխան փաստաթղթերի վառելափայտ էին վաճառում Առանց համապատասխան փաստաթղթերի վառելափայտ էին վաճառում](/timthumb?src=/resources/police/img/news/big/1511425373,2443.jpeg&q=75&w=780&wm=1)
Նոյեմբերի 22-ին, ժամը 16.00-ին, ոստիկանության Նաիրիի բաժնում տեղեկություններ են ստացվել, որ Նոր Երզնկա համայնքի վարչական տարածքում 1995 թ. ծնված Սերյոժա Չ.-ն «Ֆորդ Տրանզիտ» մակնիշի ավտոմեքենայով, առանց օրինական փաստաթղթերի, վառելափայտ է վաճառում:
Տեղեկության ստուգման ժամանակ Սերյոժա Չ.-ն հայտնել է, որ իր ավտոմեքենայում առկա է 3 խմ հաճարենի և բոխի տեսակի վառելափայտ, որը ձեռք է բերել Տավուշի մարզի Նավուր գյուղին կից անտառից և չունի համապատասխան փաստաթուղթ:
Ավտոմեքենան` վառելափայտով, տեղափոխվել է Նաիրիի բաժնի հատուկ պահպանվող տարածք:
Հանգամանքները պարզվում են:
Նախապատրաստվում են նյութեր:
***
Նոյեմբերի 22-ին, ժամը 16.20-ին, ոստիկանության Նաիրիի բաժնում տեղեկություններ են ստացվել, որ Նոր Երզնկա համայնքի վարչական տարածքում 1984 թ. ծնված Կարեն Խ.-ն «ԳԱԶ-2790» մակնիշի ավտոմեքենայով, առանց օրինական փաստաթղթերի, վառելափայտ է վաճառում:
Տեղեկության ստուգման ժամանակ Կարեն Խ.-ն հայտնել է, որ իր ավտոմեքենայում առկա է 2.2 խմ հաճարենի տեսակի վառելափայտ, որը ձեռք է բերել Իջևան քաղաքի «Խոլարգեր» տարածքի անտառից:
Ավտոմեքենան` վառելափայտով, տեղափոխվել է Նաիրիի բաժնի հատուկ պահպանվող տարածք:
Հանգամանքները պարզվում են:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: