Ոստիկանները բացահայտել են ավազակային հարձակումը

Հունիսի 18-ին, ժամը 11-ին, ոստիկանության Նոր Նորքի բաժնի ծառայողները իրացնելով օպերատիվ տվյալները, Բաղյան 2-րդ նրբանցքի շենքերից մեկից ավազակային հարձակում կատարելու կասկածանքով ոստիկանություն բերման են ենթարկել 23-ամյա մի երիտասարդի:
Պարզվել է, որ, ըստ նախնական տվյալների, հունիսի 17-ին, ժամը 20.30-ին նա Քոչարյան փողոցի մթերային խանութում դանակի սպառնալիքով բացահայտ հափշտակել է ծխախոտներ և դիմել փախուստի: Տուժողը ոստիկանություն չէր դիմել:
Կասկածյալը ձերբակալվել է:
Հանցագործության գործիք դանակն առգրավվել է:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: