Մալաթիայի բաժնի ոստիկանները հետախուզվողին հայտնաբերեցին Արագածոտնի մարզում

Ոստիկանության Մալաթիայի բաժնի քրեական հետախույզների և համայնքային ոստիկանների համատեղ ձեռնարկած օպերատիվ-հետախուզական միջոցառումների շնորհիվ հունիսի 30-ին Արագածոտնի մարզի Տեղեր գյուղից բերման է ենթարկվել 43-ամյա Հակոբ Ս.-ն, որը հունիսի 8-ից հետախուզվում էր ՀՀ քրեական օրենսգրքի 185-րդ (Գույքը դիտավորությամբ ոչնչացնելը կամ վնասելը), 118-րդ (Ծեծը) և 137-րդ (Սպանության, առողջությանը ծանր վնաս պատճառելու կամ գույք ոչնչացնելու սպառնալիքը) հոդվածների մեղադրանքով:
Խափանման միջոցը՝ ստորագրություն: