Արարատի ոստիկանները բացահայտեցին խուլիգանությունը
![Արարատի ոստիկանները բացահայտեցին խուլիգանությունը Արարատի ոստիկանները բացահայտեցին խուլիգանությունը](/timthumb?src=/resources/police/img/news/big/1694077853-5934.jpeg&q=75&w=780&wm=1)
Սեպտեմբերի 6-ին, ժամը 18.45-ին, ոստիկանության օպերատիվ կառավարման կենտրոն զանգած անհայտ քաղաքացին հայտնել է, որ Արարատ քաղաքի Խանջյան փողոցում հարևանը պնևմատիկ հրացանով կրակել է իր ուղղությամբ, ինքը վնասվածքներ չի ստացել:
Հաղորդումը փոխանցվել է ոստիկանության Արարատի բաժին: Ձեռնարկված միջոցառումներով պարզվել է, որ նույն օրը, ժամը 18․30-ի սահմաններում, շենքի առաջին հարկում ծագած վիճաբանության ժամանակ, 43-ամյա տղամարդը օդաճնշիչ ատրճանակից երկու կրակոց է արձակել 23-ամյա հարևանի ոտքերի ուղղությամբ:
Դեպքի վայրի զննության ընթացքում 43-ամյա տղամարդը շենքի ընդհանուր օգտագործման լոգարանի պահարանից ներկայացրել է նշված ատրճանակը, որն ուղարկվել է փորձաքննության:
Նախապատրաստված փաստաթղթերն ուղարկվել են Վեդիի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: