Արարատի բաժնի ոստիկանների բացահայտումը

Սեպտեմբերի 19-ին, ժամը 22.30-ին, հիվանդանոցից ոստիկանության Արարատի բաժին հաղորդում էր ստացվել, որ որովայնի կտրած-ծակած վերքով բուժօգնության է ընդունվել 61-ամյա տղամարդ և հայտնել, որ վնասվածքը ստացել է ընկնելու հետևանքով:
Ոստիկանության Արարատի բաժնի ծառայողների ձեռնարկած միջոցառումների արդյունքում պարզվել է, որ Արարատ գյուղում տեղի ունեցած վիճաբանության ժամանակ դանակի նմանվող առարկայով նրան խփել է 59-ամյա համագյուղացին: Նա հրավիրվել է ոստիկանություն և տվել խոստովանական բացատրություն:
Ձեռնարկվում են միջոցառումներ՝ հանցագործության գործիքը հայտնաբերելու ուղղությամբ:
Նախապատրաստվում են նյութեր: