Արմավիրի բաժնի քրեական հետախույզները հետախուզվողի են հայտնաբերել

Ոստիկանության Արմավիրի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ մարտի 13-ին Արմավիր քաղաքի Երևանյան փողոցի շենքերից մեկում հայտնաբերվել և բաժին բերման է ենթարկվել 20-ամյա Հակոբ Խ.-ն, որը փետրվարի 18-ից հետախուզվում էր ՀՀ քրեական օրենսգրքի 112-րդ (Դիտավորությամբ առողջությանը ծանր վնաս պատճառելը), 38-177-րդ (Գողությանը հանցակցելը), 177-րդ (Գողությունը) և 34-177-րդ (Գողության փորձը) հոդվածների մեղադրանքով:
Խափանման միջոցը՝ կալանք: