Արտաշատի ոստիկանները բերման ենթարկվածի մոտ թմրանյութ են հայտնաբերել

Սեպտեմբերի 30-ին, ժամը 15.25-ին, ոստիկանության Արտաշատի բաժնի ծառայողները ծառայություն կատարելիս Արտաշատ քաղաքի Օգոստոսի 23-ի փողոցին մերձակա լճի մոտից, թմրանյութ պահելու և իրացնելու կասկածանքով, բերման են ենթարկել 50 և 29-ամյա երկու տղամարդու: Անձնական խուզարկությամբ՝ 29-ամյա տղամարդու տաբատի գրպանից հայտնաբերվել է թղթե փաթեթ՝ մոտ 0,61 գ կանեփանման բույսի մանրացված, չորացված զանգվածով, իսկ գրպանից՝ թափանցիկ պոլիէթիլենային տոպրակ, որի մեջ առկա էր 2,5 սմ երակարությամբ 2 կաթուցիչ:
Երիտասարդը հայտնաբերվածի վերաբերյալ հայտնել է, որ թմրանյութ է, պատկանում է իրեն, քաղել է Արտաշատ քաղաքի մոտակա դաշտում վայրի աճած կանեփի բույսից: Թմրանյութը հյուրասիրել է իր 50-ամյա ընկերոջը, միասին օգտագործել են:
Հայտնաբերվածն ուղարկվել է փորձաքննության:
Նախապատրաստվում են նյութեր: