Արտաշատի ոստիկանները հետախուզվողին հայտնաբերեցին օդանավակայանում
![Արտաշատի ոստիկանները հետախուզվողին հայտնաբերեցին օդանավակայանում Արտաշատի ոստիկանները հետախուզվողին հայտնաբերեցին օդանավակայանում](/timthumb?src=/resources/police/img/news/big/1638428929-0164.jpeg&q=75&w=780&wm=1)
Ոստիկանության Արտաշատի բաժնի ՔՀԲ ծառայողների ձեռնարկած օպերատիվ-հետախուզական միջոցառումների արդյունքում դեկտեմբերի 2-ին Դոնի Ռոստով-Երևան չվերթի ինքնաթիռի ժամանումից հետո «Զվարթնոց» օդանավակայանում հայտնաբերվել և բաժին բերման է ենթարկվել 51-ամյա Սամվել Դ.-ն, որը 2019 թ. մարտի 1-ից հետախուզվում էր ՀՀ քրեական օրենսգրքի 128-րդ (Վտանգի մեջ թողնելը) և 137-րդ (Սպանության, առողջությանը ծանր վնաս պատճառելու կամ գույք ոչնչացնելու սպառնալիքը) հոդվածների մեղադրանքով:
Խափանման միջոցը՝ ստորագրություն:
Սամվել Դ.-ն ներկայացվել է նախաքննական մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: