Գլխավոր աուդիտորների հանդիպում ՀՀ ոստիկանությունում (ՏԵՍԱՆՅՈՒԹ)
![Գլխավոր աուդիտորների հանդիպում ՀՀ ոստիկանությունում (ՏԵՍԱՆՅՈՒԹ) Գլխավոր աուդիտորների հանդիպում ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1449753796,2337.jpeg&q=75&w=780&wm=1)
Դեկտեմբերի 9-ին Ոստիկանությունում տեղի ունեցավ տարբեր գերատեսչությունների գլխավոր աուդիտորների հանդիպում, որին մասնակցում էին Ոստիկանության, Ազգային անվտանգության ծառայության, Պաշտպանության, Տարածքային կառավարման և արտակարգ իրավիճակների, Ֆինանսների նախարարությունների ներքին աուդիտի վարչության պետերը: Հանդիպմանը հրավիրված էին նաև Գլխավոր դատախազի խորհրդականն ու ներքին աուդիտի և գնումների ոլորտում լիազոր մարմնի՝ Ֆինանսների նախարարության Պետական ներքին ֆինանսական հսկողության և պետական գնումների մեթոդոլոգիայի վարչության պետը:
Ոստիկանության ներքին աուդիտի վարչության պետ-գլխավոր աուդիտոր, գնդապետ Վարդան Թունյանը ներկայացրեց, որ ոստիկանությունում շարունակվող բարեփոխումների շրջանակներում ղեկավարության կողմից կարևորվում են ներքին աուդիտի դերն ու նշանակությունը՝ ներքին ֆինանանսկան հսկողության և կառավարչական գործընթացների արդյունավետության բարձրացման, առկա ռիսկերի կառավարման գործում: Հատկապես կարևորեց Ոստիկանության պետ, գեներալ-լեյտենանտ Վլադիմիր Գասպարյանի հատուկ հրամանը՝ պետական միջոցների նպատակային և արդյունավետ օգտագործման շրջանակում առավել ռիսկային ոլորտ հանդիսացող գնումների գործընթացների նկատմամբ որպես ներքին աուդիտի գերակա ուղղություն պատշաճ հսկողություն իրականացնելու նպատակով սահմանված կոնկրետ միջոցառումներն ու պատասխանատուների նշանակումը:
Մասնակիցները ներկայացրեցին ուժային գերատեսչություններում իրականացվող ներքին աուդիտի աշխատանքները, դրանց առանձնահատկություններն ու ռիսկերի գնահատման և վերլուծության ուղղությամբ գործողությունները, սեփական փորձը:
Քննարկվեցին օրենսդրական և գործնական հետքրքրություն ու կարևորություն ներկայացնող մի շարք հարցեր, ոլորտին վերաբերող իրավական ակտերի փոփոխություններն ու կիրառման մեթոդները, գնումների գործընթացների նկատմամբ հսկողության գործառույթները:
Առանձնահատուկ թեմա էր նաև աուդիտորների շարունակական մասնագիտական վերապատրաստման ու թեստավորման, ինչպես և փորձի փոխանակման հարցերը:
Կարևորելով նման հանդիպում-քննարկումների արդյունավետությունը՝ մասնակիցները պայմանավորվեցին շարունակել նմանատիպ միջոցառումները՝ ներգրավելով նաև շահագրգիռ այլ կառույցների ղեկավարների ևս: