Բացատրական աշխատանքի արդյունքում հետախուզվողը վերադարձավ Հայաստան

Ոստիկանության Կոտայքի բաժնի ծառայողների բացատրական աշխատանքի շնորհիվ հունիսի 18-ին, ժամը 23.30-ին, Մինվոդի-Երևան չվերթի ինքնաթիռի ժամանումից հետո ոստիկանության Կոտայքի բաժին է ներկայացել 39-ամյա Վահան Հ.-ն, որը հունվարի 7-ից ոստիկանության Շենգավիթի բաժնի կողմից հետախուզվում էր ՀՀ քրեական օրենսգրքի 184.1-րդ (Գրավառուին վնաս պատճառելը) և 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) հոդվածների մեղադրանքով:
Նա ներկայացվել է նախաքննական մարմնին:
Խափանման միջոցը՝ ստորագրություն: