Հետախուզվողները ներկայացան բացատրական աշխատանքի արդյունքում
![Հետախուզվողները ներկայացան բացատրական աշխատանքի արդյունքում Հետախուզվողները ներկայացան բացատրական աշխատանքի արդյունքում](/timthumb?src=/resources/police/img/news/big/1682583907-9962.jpeg&q=75&w=780&wm=1)
Ոստիկանության Կենտրոնական բաժնի և Մարաշի բաժանմունքի քրեական հետախույզների բացատրական աշխատանքի շնորհիվ ապրիլի 26-ին բաժին է ներկայացել 26-ամյա Ռազմիկ Պ.-ն, որը հետախուզվում էր ՀՀ նախկին քրեական օրենսգրքի 179-րդ հոդվածի (Յուրացնելը կամ վատնելը) մեղադրանքով:
Խափանման միջոցը՝ ստորագրություն:
***
Ոստիկանության Նոր Նորքի բաժնի համայնքային ոստիկանների բացատրական աշխատանքի արդյունքում ապրիլի 26-ին Միներալնիե Վոդի-Երևան չվերթի ինքնաթիռով վերադարձել և օդանավակայանից Նոր Նորքի բաժին է ներկայացվել 30-ամյա Արթուր Դ.-ն, որը 2022 թ. նոյեմբերի 24-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: