Հետախուզվողը ներկայացավ ոստիկանների բացատրական աշխատանքի արդյունքում
![Հետախուզվողը ներկայացավ ոստիկանների բացատրական աշխատանքի արդյունքում Հետախուզվողը ներկայացավ ոստիկանների բացատրական աշխատանքի արդյունքում](/timthumb?src=/resources/police/img/news/big/1635761176-3571.jpeg&q=75&w=780&wm=1)
Ոստիկանության Քանաքեռ-Զեյթունի բաժնի ՔՀԲ ծառայողների բացատրական աշխատանքի շնորհիվ հոկտեմբերի 31-ին բաժին է ներկայացել 32-ամյա Կարեն Զ.-ն, որը սեպտեմբերի 13-ից ոստիկանության Հրազդանի բաժնի կողմից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Կարեն Զ.-ն ներկայացվել է Հրազդանի բաժնի ծառայողներին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: