Բնակարանային գողությունը բացահայտվեց երկու օրում

Օգոստոսի 6-ին, ժամը 14.05-ին, ոստիկանություն էր զանգահարել Նուբարաշենի մի բնակիչ և հայտնել, որ առավոտյան հարմարեցված բանալիով մուտքի դուռը բացել ու բնակարանից գողացել են ոսկյա զարդեր և գումար:
Մեկնել էր Նուբարաշենի բաժանմունքի օպրատիվ խումբը:
Փաստով հարուցվել էր քրեական գործ:
Էրեբունու բաժնի և Նուբարաշենի բաժանմունքի քրեական հետախույզները, օպերատիվ տվյալներն իրացնելով, պարզել են, որ նախնական համաձայնության գալով գողությունը կատարել են չորս հոգով՝ Բանավան փողոցի 27-ամյա մի բնակիչ, Ադոնցի փողոցի բնակիչ 28-ամյա մի երիտասարդ՝ 25-ամյա եղբոր հետ և նրանց ընկերը:
Օգոստոսի 8-ին, Ժամը 23-ին, 27-ամյա երիտասարդը բերման է ենթարկվել, տվել խոստովանական ցուցմունք և ձերբակալվել:
Ձեռնարկվում են միջոցառումներ չորրորդի անձը պարզելու, նրան ու մյուսներին, նաև գողոնը հայտնաբերելու ուղղությամբ:
Կատարվում է նախաքննություն: