Բջջային հեռախոսներ գողացողը հայտնաբերվեց

Օգոստոսի 27-ին, ժամը 13.10-ին, ոստիկանություն է զանգահարել մի կազմակերպության վարորդ և հայտնել, որ րոպեներ առաջ, օգտվելով պատուհանը բաց լինելու հանգամանքից, Իսակովի պողոտայում կայանված «Մերսեդեսի» սրահից գողացել են բջջային երկու հեռախոս:
Մալաթիայի քրեական հետախույզների ձեռնարկած միջոցառումների շնորհիվ մոտ մեկ ժամ անց Իսակովի պողոտայից, գողությունը կատարելու կասկածանքով, բերման է ենթարկվել նույն պողոտայի բնակիչ 28-ամյա մի տղամարդ: Նա տվել է խոստովանական բացատրություն և վերադարձրել բջջային հեռախոսերից մեկը:
Ձեռնարկվում են միջոցառումներ մյուս բջջային հեռախոսը հայտնաբերելու ուղղությամբ:
Նախապատրաստվում են նյութեր: