Գավառի ոստիկանները բացահայտել են դանակահարության դեպքը
![Գավառի ոստիկանները բացահայտել են դանակահարության դեպքը Գավառի ոստիկանները բացահայտել են դանակահարության դեպքը](/timthumb?src=/resources/police/img/news/big/1639726902-6742.jpeg&q=75&w=780&wm=1)
Դեկտեմբերի 16-ին, ժամը 20.40-ին, հիվանդանոցից ոստիկանության Գավառի բաժնում հաղորդում էր ստացվել, որ ազդրի ծակած-կտրած վերքերով բուժօգնության դիմած 21-ամյա երիտասարդը հայտնել է, որ վիճաբանության ժամանակ անհայտ անձը դանակահարել է իրեն:
Գավառի ոստիկանները ձեռնարկած միջոցառումների արդյունքում պարզեցին, որ Գավառի Կենտրոնական հրապարակում ծագած վիճաբանության ժամանակ 18-ամյա մի երիտասարդ դանակով երկու անգամ խփել է տուժածի ոտքին՝ պատճառելով վնասվածք: Բացատրական աշխատանքի արդյունքում երիտասարդը ներկայացավ բաժին և տվեց խոստովանական բացատրություն:
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: