Գյումրիի ոստիկանները բացահայտեցին ավտոմեքենայից կատարված գողությունը

Մարտի 3-ին, ժամը 11.25-ին, ոստիկանության Մուշի բաժում Գյումրիի մի բնակչից հաղորդում էր ստացվել, որ մարտի 2-ի ժամը 21.30-ից մարտի 3-ի ժամը 09.10-ն ընկած ժամանակահատվածում տեխնիկական միջոցների գործադրմամբ կոտրել են Շչերբինա փողոցում գտնվող տանը կից ավտոտնակի դռան փականը, տեխնիկական միջոցների գործադրմամբ բացել են ներսում կայանված իր «Հոնդա ՖԻԹ» մակնիշի ավտոմեքենայի շարժիչի կափարիչը, գողացել էլեկտրական մարտկոցը, ձայնային ուժեղացուցիչը՝ չորս ձայնասյուներով, բեռնախցից՝ գազի բալոնը և հինգ անվադողերը:
Ոստիկանության ծառայողները, ստացված օպերատիվ տեղեկություններն իրացնելով, մարտի 18-ին, ժամը 12.30-ին, գողություն կատարելու կասկածանքով, բերման են ենթարկել 1999 թ. ծնված Արտյոմ Դ.-ին, 1998 թ. ծնված Գոռ Գ.-ին և 1993 թ. ծնված Սամվել Դ.-ին: Նրանք խոստովանել են, որ գողությունը կատարել են իրենք:
Գողոնը մասամբ առգրավվել է:
Կատարվում է նախաքննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: