Քանաքեռ-Զեյթունի ոստիկաններն արագ բացահայտեցին գողության դեպքը
![Քանաքեռ-Զեյթունի ոստիկաններն արագ բացահայտեցին գողության դեպքը Քանաքեռ-Զեյթունի ոստիկաններն արագ բացահայտեցին գողության դեպքը](/timthumb?src=/resources/police/img/news/big/1679292386-2003.jpeg&q=75&w=780&wm=1)
Մարտի 17-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ Պարույր Սևակի փողոցի սննդի կետում անհայտ անձը գողացել է իր պայուսակը, որի մեջ կային նոթբուք, բարձրախոս, լիցքավորման սարքավորումներ և համակարգչային մկնիկ:
Ոստիկանության Քանաքեռ-Զեյթունի բաժնի քրեական հետախույզները ձեռնարկած միջոցառումների արդյունքում պարզել են գողությունը կատարողի ինքնությունը: Բացատրական աշխատանքի արդյունքում 30-ամյա երիտասարդը ներկայացել է բաժին, տվել խոստովանական բացատրություն և ներկայացրել պայուսակն ամբողջ պարունակությամբ:
Նա և կազմված փաստաթղթերն ուղարկվել են նախաքննական մարմին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: