Գողության մի շարք դրվագներ են պարզվել

01.10.2013 14:46 Գողություն

Սեպտեմբերի 30-ին, ժամը 14.30-ին, ոստիկանության Արմավիրի բաժնի ծառայողները, գողություն կատարելու կասկածանքով, Սարդարապատ գյուղից բերման են ենթարկել 1984 թ. ծնված Գևորգ Ս.-ին:

Պարզվել է, որ նա մի շարք քաղաքացիներից կատարել է հետևյալ գողությունները.

- օգոստոսին «ԵրԱԶ» մակնիշի ավտոմեքենայի սրահից գողացել է էլեկտրական մարտկոց` պատճառելով 15.000 դրամի նյութական վնաս:

- սեպտեմբերի կեսերին տներից մեկի մոտ կայանված խոտհնձիչից գողացել է Էլեկտրական մարտկոց` պատճառելով 80.000 դրամի նյութական վնաս:

- սեպտեմբերին «ՎԱԶ-2105» մակնիշի ավտոմեքենայի դուռը բացելով՝ սրահից գողացել է ձայնարկիչ և անիվ` պատճառելով 40.000 դրամի նյութական վնաս:

- սեպտեմբերին տներից մեկի բակից գողացել է ավտոմեքենայի լիցքավորման գազի բալոն` պատճառելով 10.000 դրամի նյութական վնաս:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Գողության մի շարք դրվագներ են պարզվել

ՀԻՄՆԱԿԱՆ