Գողության փորձ թիվ 20 երթուղու միկրոավտոբուսի սրահում
![Գողության փորձ թիվ 20 երթուղու միկրոավտոբուսի սրահում Գողության փորձ թիվ 20 երթուղու միկրոավտոբուսի սրահում](/timthumb?src=/resources/police/img/news/big/1510913303,2314.jpeg&q=75&w=780&wm=1)
Նոյեմբերի 16-ին, ժամը 18.15-ին, ոստիկանության Կենտրոնականի բաժնում 1997 թ. ծնված Էդվարդ Զ.-ն հաղորդում է տվել, որ նույն օրը, ժամը 17.30-ին, Աբովյան փողոցում թիվ 20 երթուղու միկրոավտոբուսի սրահում պայուսակից փորձել են գողանալ դրամապանակը, որի մեջ եղել է գումար, սակայն հանցագործությունն ավարտին չեն հասցրել:
Ոստիկանության Երևան քաղաքի վարչության գրպանահատության բաժանմունքի ծառայողները, իրացնելով ստացված օպերատիվ տվյալները, նույն օրը, ժամը 20.00-ին, գողության փորձի կասկածանքով, Նար-Դոսի փողոցի թիվ 50 հասցեի մոտից բերման են ենթարկել 1990 թ. ծնված Սպարտակ Մ.-ին, որը տվել է խոստովանական բացատրություն:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: