Ավանի քրեական հետախույզները բացահայտեցին մեքենայից կատարված գողությունը
![Ավանի քրեական հետախույզները բացահայտեցին մեքենայից կատարված գողությունը Ավանի քրեական հետախույզները բացահայտեցին մեքենայից կատարված գողությունը](/timthumb?src=/resources/police/img/news/big/1679293104-8012.jpeg&q=75&w=780&wm=1)
Մարտի 6-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ գողացել են Ավանի Նարեկացու թաղամասի շենքերից մեկի հետնամասում կայանված իր «Մազդա 3»-ի լուսարձակները:
Նախաձեռնվել էր քրեական վարույթ:
Ոստիկանության Ավանի բաժանմունքի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են գողությունը կատարողի ինքնությունը: Նրանք մարտի 17-ին Արարատի մարզի Արգավանդ գյուղի Օդանավակայանի 6-րդ փողոցում հայտնաբերել, ձերբակալել և նախաքննական մարմին են ներկայացրել 24-ամյա մի երիտասարդի, որը ՍՊԸ տնօրեն է: Նա ներկայացրել է գողացած լուսարձակները:
Քրեական վարույթը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: