Գողությունը կատարել էին կուտականցի ամուսինները
![Գողությունը կատարել էին կուտականցի ամուսինները Գողությունը կատարել էին կուտականցի ամուսինները](/timthumb?src=/resources/police/img/news/big/1714989862-1235.jpeg&q=75&w=780&wm=1)
Մայիսի 4-ին ՆԳՆ ոստիկանության Գեղարքունիքի մարզի օպերատիվ կառավարման կենտրոն էր զանգել Իջևան քաղաքի մի բնակիչ և հայտնել, որ Գեղարքունիքի մարզի Կուտական բնակավայրում գտնվող իր տնից իրեր են բացակայում:
Կուտական մեկնած Վարդենիսի ոստիկանները պարզել են, որ հունվարի 15-ից մայիսի 4-ի ժամը 10-ն ընկած ժամանակահատվածում, միջանցքի պատուհանի ապակին կոտրել, մտել էին առանձնատուն և գողացել հեռուստացույց, վառարան՝ խողովակներով, բազմոց, բազկաթոռներ, սեղան, պահարան՝ պատճառելով 500 հազար դրամի նյութական վնաս:
Ոստիկանության Վարդենիսի բաժնի քրեական հետախույզների և Գեղարքունիքի մարզային վարչության ծառայողների համատեղ ձեռնարկած միջոցառումների արդյունքում պարզվել է, որ գողությունը կատարել են կուտականցի ամուսիններ՝ 49-ամյա տղամարդն ու 40-ամյա կինը: Նրանք ձերբակալվել և տեղափոխվել են Վարդենիսի բաժին, որտեղ խոստովանել են արարքը և հայտնել, որ գողացված ապրանքները գտնվում են իրենց տանը:
Ամուսինները և կազմված փաստաթղթերը ներկայացվել են Վարդենիսի քննչական բաժին:
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: