Օգտվելով քաղաքացու անուշադրությունից՝ գողացել էր հեռախոսը
![Օգտվելով քաղաքացու անուշադրությունից՝ գողացել էր հեռախոսը Օգտվելով քաղաքացու անուշադրությունից՝ գողացել էր հեռախոսը](/timthumb?src=/resources/police/img/news/big/1683206584-9911.jpeg&q=75&w=780&wm=1)
Մայիսի 3-ին ոստիկանության Տարոնի բաժնում հաղորդում տված կինը հայտնել էր, որ Վանաձորի Տիգրան Մեծի փողոցի դեղատանը գողացել են բջջային հեռախոսը՝ պատճառելով 150 000 դրամի վնաս:
Տարոնի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ նշված դեղատանը, օգտվելով քաղաքացու անուշադրությունից, հեռախոսը նրա բաճկոնի գրպանից գողացել էր գյումրեցի 49-ամյա տղամարդը: Նա հրավիրվել է ոստիկանության Տարոնի բաժին և բացատրական աշխատանքի արդյունքում խոստովանել արարքը՝ ներկայացնելով գողացած հեռախոսը:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: