Բջջայինի գողը հայտնաբերվեց և խոստովանեց

Հոկտեմբերի 4-ին ոստիկանության Էրեբունու բաժնում հաղորդում էր ստացվել, որ թիվ 46 երթուղու միկրոավտոբոսի սրահում անհայտը անձը 1948 թ. ծնված Սիլվա Հ.-ի պայուսակից գողացել է բջջային հեռախոս:
Ոստիկանության Երևան քաղաքի վարչության քրեական հետախուզության բաժանմունքի ծառայողներն, իրացնելով ստացված օպերատիվ տվյալները, հոկտեմբերի 7-ին՝ ժամը 14.30-ին, Տիգրան Մեծի պողոտայի թիվ 28 հասցեից նշված գողությունը կատարելու կասկածանքով բերման են ենթարկել 1990 թ. ծնված Ասատուր Հ.-ին, որը տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ: