Առևտրի կենտրոններ էր գնում գողության նպատակով
![Առևտրի կենտրոններ էր գնում գողության նպատակով Առևտրի կենտրոններ էր գնում գողության նպատակով](/timthumb?src=/resources/police/img/news/big/1676456935-2241.jpeg&q=75&w=780&wm=1)
Ոստիկանության Երևան քաղաքի վարչության քրեական հետախույզները անձնական ունեցվածքի գողության վերաբերյալ օպերատիվ տեղեկություն էին ստացել, որն իրացրին Մալաթիայի բաժնի քրեական հետախույզների հետ: Փետրվարի 14-ին Ծիծեռնակաբերդի խճուղու առևտրի կենտրոնում հայտնաբերեցին, գողություն կատարելու հիմքով ձերբակալեցին և Մալաթիայի բաժին տեղափոխեցին Արմավիրի մարզի Նալբանդյան գյուղի բնակիչ, 21-ամյա մի աղջկա: Անձնական խուզարկությամբ նրա մոտ հայտնաբերվեցին ջինսե տաբատ և կանացի զգեստ: Բերման ենթարկվածը հայտնեց, որ հայտնաբերվածը գողացել է առևտրի կենտրոնի խանութ-սրահից: Բացատրական աշխատանքի արդյունքում նա հայտնեց, որ 2022 թ. դեկտեմբերին ևս նույն խանութ-սրահից գողություն էր արել, ինչպես նաև 2022 թ. ընթացքում գողություններ էր արել Արշակունյաց պողոտայի առևտրի կենտրոնից:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: