Նոր Նորքի ոստիկանները գողության դեպք են բացահայտել
![Նոր Նորքի ոստիկանները գողության դեպք են բացահայտել Նոր Նորքի ոստիկանները գողության դեպք են բացահայտել](/timthumb?src=/resources/police/img/news/big/1676633155-5151.jpeg&q=75&w=780&wm=1)
Փետրվարի 15-ին ոստիկանության օպերատիվ կառավարման կենտրոն զանգած 20-ամյա աղջիկը հայտնել էր, որ Գայի պողոտայի բանկոմատից փորձել էր կանխիկացնել 150 000 դրամ, սակայն սարքի կողմից գործարքը մերժվել էր, ինքն էլ կարծելով, թե գումարը չի տրամադրվել, նույն գործարքը փորձել էր կատարել հարևան բանկոմատից, սակայն նույն պահին նկատել էր, որ անհայտ անձը մոտենալով նշված բանկոմատին՝ գողացել էր 150 000 դրամը:
Ոստիկանության Նոր Նորքի բաժնի քրեական հետախույզները ձեռնարկած միջոցառումների արդյունքում պարզել են, որ արարքը կատարել է 38-ամյա տղամարդը: Փետրվարի 16-ին նա Բորյան փողոցում հայտնաբերվել, ձերբակալվել և ներկայացվել է նախաքննական մարմին:
Գողոնը հայտնաբերվել է:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: