Գողության մեղադրանքով հետախուզվողներից մեկը ներկայացավ կամավոր, մյուսին՝ հայտնաբերեցին

Ոստիկանության Էրեբունու բաժին է ներկայացել 1966 թ. ծնված Ջամալ Թ.-ն, ով 2011 թ. դեկտեմբերի 30-ից Մոսկվա քաղաքի իրավապահների կողմից հետախուզվում էր ՌԴ քրեական օրենսգրքի 158 հոդվածի /գողություն/ 2-րդ մասի մեղադրանքով:

***
Ոստիկանության Արաբկիրի բաժնի ծառայողները Երևանի Կոմիտասի պողոտայի թիվ 48 շենքի մոտից բերման են ենթարկել 1987 թ. ծնված Արթուր Ո.-ին, ով հուլիսի 22-ից հետախուզվում էր ՀՀ քրեական օրենսգրքի 177 հոդվածի /գողություն/ 3-րդ մասի 1-ին կետի մեղադրանքով: