Գումարային հարցերի շուրջ վիճաբանության ժամանակ դանակահարել էր համագյուղացուն
![Գումարային հարցերի շուրջ վիճաբանության ժամանակ դանակահարել էր համագյուղացուն Գումարային հարցերի շուրջ վիճաբանության ժամանակ դանակահարել էր համագյուղացուն](/timthumb?src=/resources/police/img/news/big/1687768755-7107.jpeg&q=75&w=780&wm=1)
Հունիսի 26-ի կեսգիշերին հիվանդանոցից ոստիկանության Արարատի բաժին հաղորդում է ստացվել, որ կրծքավանդակի կտրած-ծակած վերքով բուժօգնության է տեղափոխվել 24-ամյա երիտասարդ, որը Փոքր Վեդի գյուղի բնակիչ է:
ՆԳՆ ոստիկանության Արարատի մարզային վարչության, Արարատի և Արտաշատի բաժինների ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ հունիսի 25-ի ժամը 23.00-ի սահմաններում Փոքր Վեդիից Լուսառատ տանող ճանապարհին գումարային հարցերի շուրջ տեղի ունեցած վիճաբանության ժամանակ հիվանդանոց տեղափոխվածին դանակահարել էր 44-ամյա համագյուղացին: Բացատրական աշխատանքի արդյունքում նա ներկայացել է Արարատի բաժին և ներկայացրել հանցագործության գործիք դանակը:
44-ամյա տղամարդը ձերբակալվել և ներկայացվել է Վեդիի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: