Գրպանահատը՝ դանակով

Ոստիկանության Երևան քաղաքի վարչության գրպանահատության դեմ պայքարի 6-րդ բաժանմունքի ծառայողները Երևանի Ամիրյան փողոցի թիվ 2 շենքի մոտից, գողություն կատարելու կասկածանքով, ոստիկանության Կենտրոնականի բաժին բերման են ենթարկել 1975 թ. ծնված Արարատ Բ.-ին:
Նա խոստովանել է, որ փետրվարի 16-ի երեկոյան թիվ 67 երթուղու ավտոբուսում մի ուղևորուհու պայուսակից գողացել է դրամապանակը, որի մեջ եղել է 40.000 դրամ:
Խուզարկությամբ Արարատ Բ.-ի մոտից հայտնաբերվել է ծալովի դանակ` 19 սմ երկարությամբ, շեղբը` 9 սմ:
Նշանակվել է դատատեխնիկական փորձաքննություն:
Կատարվում է հետաքննություն: