Գրպանահատը հայտնաբերվեց Մ.Խորենացի-Նար-Դոս խաչմերուկում
![Գրպանահատը հայտնաբերվեց Մ.Խորենացի-Նար-Դոս խաչմերուկում Գրպանահատը հայտնաբերվեց Մ.Խորենացի-Նար-Դոս խաչմերուկում](/timthumb?src=/resources/police/img/news/big/1526884806,7344.jpeg&q=75&w=780&wm=1)
Մայիսի 19-ին, ժամը 15.00-ին, ոստիկանության Էրեբունու բաժնի ծառայողները Երևանի Մ.Խորենացու և Նար-Դոսի փողոցների խաչմերուկի մոտից, գողություն կատարելու կասկածանքով, բերման են ենթարկել 1986 թ. ծնված Հարություն Ն.-ին, ում մոտից հայտնաբերվել է կանացի դրամապանակ:
Նյութերի նախապատրաստման ընթացքում պարզվել է, որ նույն օրը, ժամը 14.30-ին, Երևանի Հարություն Ն.-ն թիվ 44 երթուղու ավտոբուսի սրահում 1983 թ. ծնված Նոնա Բ.-ի պայուսակից գողացել է դրամապանակը, որի մեջ եղել է 22.400 դրամ, սակայն հանցագործությունն ավարտին չի հասցրել, քանի որ բռնվել է ոստիկանության ծառայողների կողմից:
Հարություն Ն.-ն տվել է խոստովանական բացատրություն:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: