Գրպանահատը հայտնաբերվեց Գարեգին Նժդեհի փողոցում
![Գրպանահատը հայտնաբերվեց Գարեգին Նժդեհի փողոցում Գրպանահատը հայտնաբերվեց Գարեգին Նժդեհի փողոցում](/timthumb?src=/resources/police/img/news/big/1513848600,2607.jpeg&q=75&w=780&wm=1)
Դեկտեմբերի 20-ին, ժամը 20.30-ին, ոստիկանության Երևան քաղաքի վարչության գրպանահատության դեմ պայքարի բաժանմունքի և Շենգավիթի բաժնի ծառայողները Երևանի Գարեգին Նժդեհի փողոցի 56/Ա շենքի մոտից, գողություն կատարելու կասկածանքով, բերման են ենթարկել 1988 թ. ծնված Գոռ Պ.-ին, ում մոտից խուզարկությամբ հայտնաբերվել է կանացի դրամապանակ, որի մեջ եղել է գումար:
Գոռ Պ.-ն խոստովանական բացատրություն է տվել, որ դրամապանակը գողացել է նույն օրը, ժամը 19.30-ին, թիվ 58 երթուղայինի սրահում անծանոթ կնոջից:
Ձեռնարկված միջոցառումներով պարզվել է, որ տուժողը 1993 թ. ծնված Աննա Ա.-ն է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: