Գրպանահատության դեմ պայքարի բաժանմունքի ծառայողների հերթական բացահայտումը
![Գրպանահատության դեմ պայքարի բաժանմունքի ծառայողների հերթական բացահայտումը Գրպանահատության դեմ պայքարի բաժանմունքի ծառայողների հերթական բացահայտումը](/timthumb?src=/resources/police/img/news/big/1391770178,5018.jpeg&q=75&w=780&wm=1)
Փետրվարի 6-ին, ժամը 18.10-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Մաշտոցի պողոտայի թիվ 20 շենքի մոտից, գողություն կատարելու կասկածանքով, բերման են ենթարկել 1970 թ. ծնված Արմեն Ա.-ին և 1987 թ. ծնված Արման Դ.-ին:
Արմեն Ա.-ն խոստովանել է, որ ժամը 16.30-ի սահմաններում թիվ 58 երթուղային ավտոբուսում մի կնոջ պայուսակից գողացել է դրամապանակ, որի մեջ եղել է գումար, բանկային և այլ քարտեր ու կանացի ակնոց:
Ձեռնարկված միջոցառումների շնորհիվ պարզվել է տուժող կնոջ անձը:
Կատարվում է հետաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: