Գրպանահատություն թիվ 42 երթուղու ավտոբուսում
![Գրպանահատություն թիվ 42 երթուղու ավտոբուսում Գրպանահատություն թիվ 42 երթուղու ավտոբուսում](/timthumb?src=/resources/police/img/news/big/1523445693,652.jpeg&q=75&w=780&wm=1)
Ապրիլի 7-ին, ժամը 17.40-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել 1970 թ. ծնված Լուսինե Մ.-ն և հայտնել, որ նույն օրը, ժամը 17.00-ին, թիվ 42 երթուղու ավտոբուսի սրահում իր պայուսակից գողացել են դրամապանակը, որի մեջ եղել է 15.000 դրամ և նույնականացման քարտը:
Ոստիկանության Նոր Նորքի բաժնի ծառայողները ապրիլի 10-ին, ժամը 12.00-ին, Սաֆարյան փողոցի թիվ 2/2 հասցեի մոտից, նշված գողությունը կատարելու կասկածանքով, բերման են ենթարկել 1959 թ. ծնված Աղվան Գ.-ին, որը տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: