Դանակահարել է մորն ու կնոջը

18.07.2013 13:18 Մարմնական վնասվածք

Հուլիսի 17-ին, ժամը 00.45-ին, հիվանդանոցից ոստիկանության Մուշի բաժնում հաղորդում է ստացվել, որ «որովայնի կտրած ծակած» և «ձախ դաստակի կտրած ծակած վնասվածք» ախտորոշմամբ բուժօգնության են տեղափոխվել 1985 թ. ծնված Արփինե Չ.-ն և 1961 թ. ծնված Անիչկա Չ.-ն:

Մեկնած օպերատիվ խմբին Անիչկա Չ.-ն հաղորդում է տվել, որ հուլիսի 16-ին, ժամը 23.00-ի սահմաններում, տանը վիճաբանության ժամանակ, խոհանոցային դանակով իրեն և հարսին հարվածել ու վնասվածքները պատճառել է որդին` 1983 թ. ծնված Արթուր Չ.-ն:

Արփինե և Անիչկա Չ.-երին տրվել են դատաբժշկի ուղեգրեր:

Հանցագործության գործիք դանակն առգրավված է:

Արթուր Չ.-ն ձերբակալված է:

Փաստի առթիվ ՀՀ քրեական օրենսգրքի 112 հոդվածի 1-ին մասի հատկանիշներով հարուցվել է քրեական գործ:

Կատարվում է նախաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Դանակահարել է մորն ու կնոջը

ՀԻՄՆԱԿԱՆ